Јоаким Лев заврши во болница

Јоаким Лев нема да ја предводи германската репрезентација во следните два натпревари.

Германскиот селектор заврши во болница и таму ќе остане во следните денови, а со тоа нема да може да ја предводи репрезентацијата во дуелите против Белорусија и Естонија.

Лев пред неколку недели доживеа бизарна несреќа. Му паднал тег на прстите и тоа му предизвикало проблеми, па морал да биде хоспитализиран.

„Третманот оди добро, но лекарот не советуваше селекторот да биде поштеден во наредните натпревари. Затоа Маркус Сорг ќе ја предводи репрезентацијата.“ – соопштија од фудбалската федерација на Германија.

Се огласи и Јоаким Лев.

„Се чуствувам добро, но морам да одмарам во следните четири недели. Во контакт сум со екипата, имаат искуство и ова ќе го надминеме.“ – рече Лев.