Ѓоковиќ се откажа од мечот за бронза во мешани двојки

Новак Ѓоковиќ има катастрофална завршница на олимпискиот турнир во Токио.

Вчера Ѓоковиќ прво го изгуби полуфиналето во сингл од Зверев, а потоа заедно со сонародничката Нина Стојановиќ изгуби и во полуфиналето во мешани двојки.

Кошмарот за Ѓоковиќ продолжи и денес откако беше поразен од Карено Буста во мечот за бронза. Требаше денес подоцна Ѓоковиќ да го игра мечот за бронза и со Нина, но според последните информации нема да играат.

Објавено е дека Ѓоковиќ и Нина Стојановиќ се откажале од мечот за бронза, а како причина наведен е заморот.