Ѓоковиќ и повреден е непобедлив, стигна до 300 грен-слем победа

Настапот на Новак Ѓоковиќ беше под знак прашалник поради повреда, но Србинот лесно стигна до својата 300-та Грен-слем победа.

Ѓоковиќ со 3-1 во сетови го победи Милош Раониќ и се пласираше во четвртфиналето од Австралија опен.

Првиот сет го доби фаворитот во тај-брејк со 7-4 во поени, но Раониќ врати во вториот сет со 6:4, па видливо беше дека Ѓоковиќ се уште има траги од повредата.

Најдобриот тенисер во светот потоа го поткрена нивото на игра и славеше убедливо во третиот сет со 6:1, а потоа го доби и следниот сет со 6:4.

Во четвртфиналето Ѓоковиќ ќе игра против Александар Зверев кој беше подобар од Љајовиќ со 3-0 во сетови.