Што сега? – Фудбалерите донесоа одлука на тема „турнеата во САД“!

Општ хаос на Пиринеите.

Натпреварот помеѓу Џирона и Барселона кој е закажан за јануари требаше да се одигра во Мајами, но се поголема е веројатноста дека од американската турнеа на Ла Лига нема да има ништо.

Шпанската асоцијација на играчи денес излезе со соопштение во кое во целост го одбива планот на претседателот на Ла Лига, Хавиер Тебас неколку натпревари од шпанското првенство да се играат во САД.

Одлуката на фудбалскиот синдикат не обврзувачка, но и тоа како има голема тежина.

Тебас ги повика да одржат состанок денес и на 1-ви октомври, меѓутоа чениците од друга страна не сакаат да преговараат бидејќи имаат договор со Ла Лига до 2020 година каде што не се споменува американска турнеа во сред сезона.

Сепак, Тебас останува убеден во својата идеја изјавувајќи дека постојат дури 90% шанси споменатиот натпревар помеѓу Џирона и Барселона да се одигра на американско тло.