Шпански медиуми: Мурињо би можел да се врати во Реал

ЖОЗЕ МУРИЊО ја напушта Рома на крајот од сезоната, објави Џанлука Ди Марцио, еден од најголемите експерти за трансфери.

Португалскиот стручњак потпиша тригодишен договор со Рома во 2021 година и на крајот од сезоната ќе стане слободен тренер.

„Мундо Депортиво“ пишува дека Мурињо е еден од кандидатите за наследник на Карло Анчелоти во Реал Мадрид.

Тренерот на Баер Леверкузен, Чаби Алонсо и слободниот агент Зинедин Зидан се исто така опции. Но, Анчелоти прво мора да го напушти мадридскиот клуб. Неговиот договор со Реал истекува во летото 2024 година, но не е сигурно дека нема да добие нов иако се поврзуваше со бразилската репрезентација.

Да потсетиме, Мурињо веќе го водеше Реал на 178 натпревари во периодот од 2010 до 2013 година.

Според Tрансфермаркт, тој имал просек од 2,3 бода по натпревар и освоил три трофеи: првенството на Шпанија, шпанскиот куп и шпанскиот Суперкуп.