Шефити: Имаме квалитет да ја победиме Шкендија

За викендот во Тетово се игра градското дерби помеѓу Ренова и Шкендија.

Екипата на Ренова е пријатно изненадување и во овој натпревар влегува како второпласирана и е во подобра форма од Шкендија. Сепак, Шкендија е тим кој не смее да се отпише.

Офанзивецот на Ренова Шефит Шеифити побара од неговите соиграчи да останат фокусирани и да покажат квалитетот.

„Да останеме фокусирани на натпреварот и да го дадеме максимумот, верувам дека така ќе успееме. Шкендија е квалитетен тим, но мислам дека можеме да го добиеме овој натпревар“, изјави Шефити.

Ренова и Шкендија се сретнаа пред две недели во купот, а во тој меч Шкендија забележа убедлива победа и ја елиминираше Ренова со пет гола. Тоа сигурно ќе биде дополнителен мотив за „гипсарите“.

Фото: Ренова