Веќе започна второто издание во Лигата на Нации, а чудно звучи податокот кој говори дека една од најсилните селекции во светот, Германија се уште нема победа во ова натпреварување.
Германците се уште чекаат на првиот триумф во ова натпреварување, чудно е меѓутоа реалноста е таква. Германија е во А лигата и во првото коло одигра реми (1:1) против Холандија, а со истиот резултат заврши и натпреварот во Базел против Швајцарија. Така новата сезона Германија ја започна со две нерешени.
Пред дербито, падна најважниот потпис во Манчестер Сити! ↓↓↓
Во претходно, премиерно издание во Лигата на Нации Германија играше во група со Холандија и Франција и не успеа да победи. Германците имаа два порази и два нерешени резултати. Кога се ќе се собере Германија во шест натпревари се уште чека на првата победа во ова ново натпреварување.
На прва победа чекаат уште Сан Марино, Малта, Летонија, Андора и Литванија од Д лигата и Република Ирска од Б лигата. Сепак, името на Германија привлекува најголемо внимание на оваа „листа“.
Шанса да ја прекине оваа црна низа Германија ќе има на 10 октомври во Киев кога ќе играат против Украина.
Учество во игри на среќа е дозволено за лица со 18+ години. Играј одговорно!