Челзи ја следи ситуацијата со Дибала

Напаѓачот на Јувентус, Пауло Дибала е во трансфер списокот на Челзи, пренесува „Тутоспорт“.

Аргентинецот преговара со раководството на „бјанконерите“ за продолжување на соработката до 2025 година, а „сините“ од Лондон внимателно ја следат ситуацијата.

Дибала во последните неколку години покажа дека е еден од најдобрите напаѓачи во Европа, па Челзи е спремен да го „одврзе кесето“ за да го доенсе на „Стенфорд Бриџ“.

Челзи беше многу активен во летниот преоден рок и донесе неколку големи засилувања, а Лампард смета дека Дибала би бил идеален партнер на Тимо Вернер во нападот.

Дибала бара значително зголемување на платата во Јувентус и тоа е проблем во моментов во преговорите, а Челзи е спремен да ги задоволи неговите финансиски барања.