Чави: Очекувам уште еден трилер меч против ПСЖ

Утре Барселона го пречекува Пари Сент Жермен во реванш дуелот од Лигата на шампиони, откако во Париз победи со 3:2.

Тренерот на Каталонците Чави истакна дека очекува уште еден трилер меч и дека неговите избраници ќе мора да го остават срцето на терен за да се пласираат во полуфиналето.

„Играме дома, што е плус – Монжуик треба да обезбеди магична ноќ како на „Камп Ноу“ претходно. Ќе биде како првиот натпревар. Ќе имаме висока одбранбена линија, мораме да покажеме карактер, да продолжиме, мислам дека нашите шанси се еднакви, тие се еден од најдобрите тимови и го имаат еден од најдобрите тренери во светот“, истакна Чави.

„Очекувајте уште еден трилер-натпревар, затоа што овие екипи во минатото покажаа дека секогаш играат возбудлив фудбал. ПСЖ е исклучително сериозен тим со одлични поединци, но јас силно верувам во моите избраници и знам дека имаме квалитет за да го минеме францускиот првак. Барселона е голем клуб и тоа ќе го докажеме уште еднаш“, додаде Чави.