Чави: Во Катар луѓето се среќни, подобро е од Шпанија

Поранешниот репрезентативец на Шпанија, Чави Ернандес изјави дека државниот систем подобро функционира во Катар отколку во Шпанија.

Тој оваа година ја заврши играчката кариера и превзеде тренерска работа во катарскиот Ал Сад.

„Не живеам во демоктарска држава, но верувам дека системот овде подобро функционира отколку во Шпанија. Го сакам најдоброто за иднината на моите деца, но за жал гледам дека Шпанија не работи на најдобар начин. Ние тука не ја заклучуваме куќата. Сопругата ми вели дека треба да останеме тука поради децата. Луѓето овде се среќни. Точно е дека нема демократија, но луѓето се среќни“, изјави Чави.