Футсал: Македонија ја помачи Италија, но „Аѕурите“ сепак победија

Вчерасе одигеа футсал натпреварот помеѓу Италија и Македонија во Катанија, а на крајот победа славеа Италијанците со 6:3.

Македонските футсалци трипати го изедначуваа резултатот, но некаде од средината на второто полувреме падна нашето темпо на игра и силниот противник тоа знаеше како да го искористи.

Натпреварот беше отворен уште во третата минута преку Куртули, а ние изедначивме три минути подоцна преку Крстевски. Италија во осмата минути повторно дојде до водство, но преку Петровиќ возвративме на 2:2. За водство на „Аѕурите“ на полувреме се погрижи Марсело во 16-тата минута.

Со голот на Ранготов во 22-та минута третпат го изедначивме резултатот, меѓутоа тука како да изгубивме сили да се надигруваме домаќинот. Следуваа два брзи гола, за во 37-та минута Калдероли да ги постави конечните 6:3.

Македонија на 5-ти март ја очекува нов натпревар и тоа против Шведска на домашен терен.