Фергусон се врати во Манчестер Јунајтед со нова улога

Легендарниот менаџер на Манчестер Јунајтед, Сер Алекс Фергусон се врати во редовите на „црвените ѓаволи“ со нова улога.

Извршниот директор на клубот Ричард Арнолд формираше посебно советничко тело и во него покрај Фергусон ќе бидат вклучен Брајан Робсон и поранешниот генерален директор Дејвид Гил.

Фергусон и Гил останаа во бордот директор по заминувањето од клубот во 2013, но тоа беше само симболична позиција затоа што главните одлуки ги носеше директорот Ед Вудворд кој си замина.

Арнолд сака да го искористи големото искуство на Фергусон и Гил. Фергусон во Јунајтед помина 28 години и за тој период освои 38 трофеи, додека 64-годишниот Гил како извршен директор помина 16 години.