Федерер: Ѓоковиќ и Надал ме направија подобар тенисер

Рожер Федерер имаше интересен разговор со медиумите, каде откри многу работи.

Осумкратниот шампион на Вимболдон верува дека може да стигне до деветиот триумф на овој турнир. Како што и самиот кажа добро е што големата тројка во светскиот тенис и натаму е во форма и бележи добри резултати.

„Одлично е за овој спорт. Тоа не се случува често. Тоа покажува дека секој од нас има одлична кариера. Можеби звучи забавно, но секогаш мислите дека еден на друг му нешто одзема. Истовремено, еден со друг се натпреваруваме да постигнеме нови висини, да го поправиме скорот на Надал на земја, на Новак на бетон или мојот на трева, не знам.“ – изјави Федерер и додаде:

„Стануваме подобри, благодарение на другите двајца. За мене тоа е забавно, а се надевам дека и љубителите на тенисот уживаа во тоа.“