Фановите на Реал Мадрид со порака до Жозе Мурињо

На Жозе Мурињо не му „цветаат рози“ оваа сезона и се погласни се шпекулациите на Островот дека му се заканува отказ.

Викендов „црвените ѓаволи“ запишаа уште еден разочарувачки резултат, откако одиграа 0:0 против Кристал Палас, па сега заостануваат 14 бода зад лидерот Манчестер Сити.

Пред тој меч друг европски гигант – Реал Мадрид запиша срамен пораз на гостувањето кај Еибар со 3:0. На трибините на стадионот дел од навивачите на Реал испратија порака до бившиот тренер на „кралевите“ Жозе Мурињо. Имено, тие го молат „Специјалниот“ да се врати на „Сантиаго Бернабеу“.

Пред извесно време поранешниот претседател на Реал, Рамон Калдерон изјави дека порано или подоцна Перез ќе го врати „Специјалниот“ на кормилото на „кралскиот“ клуб.