Уште еден одличен натпревар за Крис Пол, Феникс поведе во финалето 🎥

Феникс Санс на свој паркет славеа против Милвоки со 118:105 и поведоа со 1:0 во финалето од НБА лигата.

Иако на паркетот за Бакси после отсуството поради повреда се врати Јанис Антетокумпо Санси предводени од Крис Пол дојдоа до победата. Исклучок беа воведните минути во кои гостите од Милвоки имаа предност, остатокот од мечот донесе контрола на резултатот од страна на домаќините.

На полувреме заминаа осум поени предност (57:49), а останаа без Дарио Шариќ кој се здоби со повреда на коленото.

Во продолжение Санси целосно доминираа на паркетот. Бакси не дозволија сериозно да им се заканат до самиот крај и дојдоа до победа во првиот меч од финалето. Крис Пол одигра уште еден одличен натпревар, уфрли 32 поени и додаде девет асистенции, го следеа Девин Букер со 27, Деандре Ајтон со 22 поени и 19 скокови.

Кај Бакси најефикасен беше Крис Миделтон со 29 поени додека Јанис Антетокумпо уфрли 20 поени и имаше 17 скокови.

Вториот натпревар се игра повтроно во Феникс, потоа серијата се сели во Милвоки.