УЕФА ги одреди судиите: Никола Рицоли утре ќе ни биде делегат

УЕФА ги одреди судиите за утрешниот натпревар во квалификациите за Светското првенство помеѓу Романија и Македонија.

Со дуелот против Романија ќе ги стартуваме мундијалските квалификации, а на центарот утре ќе биде Фабио Верисимо од Португалија, ќе му помагаат Луис Кампос и Бруно Родригез. За четврти судија е одреден Емануел Карваљо Нобре.

Делегат ќе биде славниот Италијанец, Никола Рицоли со Филипе Прудон Франција.

Дуелот е закажан за во 20:45 часот, а ќе може да се проследи во директен пренос на „Спортклуб 3“.