Убави фотографии од тренингот на Болоња: Михајловиќ повторно трча

Српскиот тренер Синиша Михајловиќ е блиску да ја победи леукемијата.

Шефот на стручниот штаб на Болоња во последните денови се чувствува се подобро, а тоа го потврдуваат и денешните фотографии од тренинг центарот на овој клуб.

Михајловиќ за првпат после подолго време почна да трча. Како што пренесува „Кориере дело Спорт“ тој трчал околу еден час пред во тренинг центарот да пристигне директорот Рикардо Бигон со кој Михајловиќ разговарал пред да го напушти тренинг центарот.

Ќе потсетиме, поранешниот ас на Лацио и Интер се бори со лекуемијата од минатото лето и во ниту еден момент не се откажа од водењето на екипата иако многу време помина и во болница.

Изгледа дека сме блиску до продолжување на Серија А, а кога тоа ќе се случи веројатно и ќе го гледаме Михајловиќ на клупата на Болоња во секој натпревар.