Тотенхем објави кога Љорис ќе се врати на теренот

Хуго Љорис, голманот и капитенот на Тотенхем ќе биде надвор од теренот до крајот на 2019. година поради повреда, но не мора да се оперира.

Се очекува Лорис, кој се повреди во саботата во поразот на Тотенхем од Брајтон (0:3), нема да тренира до почетокто на следната година.

„Иако операција нема да биде потребна, нашиот капитен претрпе оштетување на лигаментите. Не очекуваме да се врати на тренинзите пред крајот на 2019. година. Пред Љорис за сега е период на одмор и рехабилитација“, соопштија од Тотенхем.

Поради повреда, Љорис ќе ги пропушти следните натпревари на Франција за квалификации за Европското првенство 2020. година.