Тотенхем „мерка“ две засилувања од Јувентус

Екипата на Тотенхем во јануарскиот преоден рок би можела да се засили од Јувентус. Имено, спортскиот директор на лондонскиот клуб Фабио Партичи сака две засилувања од неговиот поранешен клуб.

Како што пренесува „Калчомеркато“, Тотенхем во своите редови ги сака Вестон Мекени и Дејан Кулушевски. Оваа зделка би можела да биде договорена за сума од околу 70 милиони евра.

Мекени во Јувентус пристигна летото кога Андреа Пирло го наследи Маурцио Сари. Во првата сезона до некаде и ги оправда очекувањата, но тоа не е случај сега под водство на Алегри. Јувентус за Американецот бара 35 милиони евра, иако вредноста на пазарот му е 10 милиони евра помалку.

Слична е ситуацијата и со Кулушевски кој не е по вкусот на Алегри, па Партичи тука гледа прилика да постигне договор со поранешниот клуб.