Тажни вести од Србија: Почина поранешниот голман на Партизан

Taжни вести пристигнуваат од српскиот фудбал, почина поранешниот голман на Партизан Радован Радаковиќ.

После долга и тешка борба со туморот на желудникот Радаковиќ ја загуби битката. Болеста му беше откриена после една рутинска интервенција и веднаш мораше да ја прекине тренерската кариера.

Неговите поранешни соиграчи собираа и пари за да се помогне во битката, но на крајот за жал болеста победи. Во текот на кариерата тој бранеше за: Земун, Обилиќ, БСК од Батањица, Борец, Стандард и Лиеж од Белгфија, австрискиот Штурм, Вождовац, Партизан и Колубара.

Најдобрите моменти ги помина во дресот на Партизан. Со црно-белите два пати беше шампион (2002, 2003) и еднаш победник во Купот на Југославија (2001). Забележа и два настапи за репрезентацијата на Југославија.