Стојановиќ заминува, Металург бара нов тренер

Екипата на Металург одлучи да ја прекине соработката со тренерот Дамир Стојановиќ и тоа само после три официјални натпревари.

Стојановиќ имал различно размислување со управата на Металург, па како минувало времето разликите станувале поголеми и на крајот поради тоа се договориле за разделба.

Не се знае кој ќе биде наследникот на Стојановиќ, но се очекува клубот од Автокоманда брзо да ја најде неговата замена.

Кондицискиот тренер Марко Шешум кој дојде заедно со Стојановиќ останува во Металург, исто како и Петар Мисовски кој работи како тренер на голманите.

Во трите натпревари од Суперлигата Металург има две победи и реми со Тинекс Пролет.