Срамно: Додека тој уживал во луксуз и милиони, неговата ќерка се борела да преживее – сега му се заканува затвор!

Најдобриот камерински фудбалер на сите времиња, Самиуел Ето е во големи проблеми, а според шпанските медиуми му се заканува и затвор.

Шампионот со Барселона и Интер е во правен конфликт со својата ќерка која од него бара оштета, но и да отслужи една година затвор поради неисполнети обврски во издржувањето.

„Мундо Депортиво“ пишува дека Ерика до Росарио Ниевес (23) која е правно призната ќерка на славниот фудбалер бара оштета и затвор за својот татко.

Во моментот на правното признание судијата утврди дека Ето треба да и исплаќа 1.400 евра месечно за издржување, но тоа поранешниот фудбалер не го правел.  Сега девојката бара казна за поранешниот камерунски репрезентативец.

„На својата ќерка и должи пари повеќе од пет години, односно околу 90.000 евра. Материјалната ситуација на Ерика е многу слаба, додека Ето живее во луксуз“, изјавил адвокатот на ќерката на Ето.