Солскјер пронајде идеален напаѓач, ама за следната сезона

Манчестер Јунајтед има проблем со нападот и е во потрага по квалитетен напаѓач, но Солскјер истакна дека нема да купува по секоја цена.

Манчестер Јунајтед во зимскиот преоден рок го донесе Бруно Фернандеш, но не успеа да донесе нов напаѓач, кој ќе може да биде долгорочно решение.

Англиските медиуми пренесуваат дека Јунајтед го сака напаѓачот на Валенсија, Макси Гомез, кој е дефиниран како летен приоритет на „црвените ѓаволи“.

Уругвајскиот репрезентативец треба да биде идеален партнер за Маркус Рашфорд и на Антони Марсијал, но проблем е што неговата откупна клаузула изнесува 140 милиони евра.

За него се заинтересирани многу клубови ширум Европа, па Јунајтед ќе треба да ја победи конуренцијата, а медиумите тврдат дека клубот веќе спремил 70 милиони евра за 23-годишниот голгетер.