Следното издание на Лигата на Нации ќе се игра во 2022 година и тоа во необичен термин

Второто издание во Лигата на Нации Македонија го заврши вчера со поразот од Ерменија на Кипар (0:1).

Бевме блиску, но сепак не успеавме да се пласираме еден ранг погоре, односно во „Б“ лигата па и во наредното издание ќе играме во Лигата „Ц“.

Но, до третото издание на Лигата на Нации ќе има пауза подолга од една година. Повторно ова натпреварување ќе се игра во 2022 година и тоа од 2. јуни до 27. септември.

Причината што ќе се игра во еден ваков необичен термин е завршницата на Мундијалот во Катар. Терминот на фудбалерите сигурно нема да им се допадне со оглед дека ќе се игра преку лето.

Во наредното издание Македонија во Лига Ц ќе игра со:

Азербејџан, Белорусија, Бугарија, Фарски Острови, Грузија, Гибралтар, Грција, Косово, Литванија, Луксембург, Македонија, Северна Ирска, Словачка, Турција и две репрезентции од Кипар, Естонија, Казахстан и Молдавија кои играат плеј-аут.