Се продава првиот потпис на Меси: Првата понуда е 36.000 евра

Лионел Меси е еден од најдобрите фудбалери во историјата, сигурно некои би кажале и најдобар, па затоа се негово е вредно.

Автограмот на Аргентинецот има прилично голема вредност на пазарот. Компанијата „Goldin Auctions“ на аукција го стави првиот потпис на Меси од 1995 година. Станува збор за потписот на членската карта на Њуелс Олд Бојс.

Почетната цена на аукцијата беше 10.000 долари, меѓутоа веќе е надмината затоа што првиот клиент испрати понуда од 36.000 долари. Со оглед дека рокот за понуди е отворен до 23. октомври се очекува оваа понуда да расте.