Серија А доминира во тимот на колото во Лигата на шампионите

Второто коло од Лигата на шампионите е зад нас, а беше обележано се хет-трикови.

Избран е најдобриот тим во второто коло од Лигата на шампионите и во него место добија дури петмина фудбалери од италијанските клубови – Јувентус и Рома, кои забележаа убедливи победи.

Победа вчера запиша и Наполи против Ливерпул, но во идеалниот тим немаше место за некој од избраниците на Анчелоти.

На голот е Нето од Валенсија, додека дефанзивната линија ја сочинуваат Алба (Барселона), Алекс Телес (Порто), Леонардо Бонучи (Јувентус) и Флоренци (Рома).

Во средниот ред се најдоа Кутињо (Барселона), Марко Ројс (Б.Дортмунд) и Ченгис Ундер (Рома).

Нападот е составен од фудбалерите кои постигнаа по три погодоци. Тоа е Нејмар (ПСЖ), Дибала (Јувентус) и Един Џеко (Рома).