Сензација: Медведев поразен од 205. тенисер во светот!

Во финалето на турнирот во Холандија, рускиот тенисер Данил Медведев загуби во финалето од 205. тенисер на АТП-листата, Тим Ван Ријтховен.

Во финалето за еден час Ријтховен го декласираше Данил Медведев со 2-0 во сетови, односно 6-4 и 6-1.

Ван Ријтховен цел турнир играше одлично, а до финалето ги елиминираше Ебден, Фриц, Гастон и Оже-Алиасим, па ова му е најдобар резултат во кариерата и ќе направи голем скок од 100 позиции.

На следната листа на АТП во понеделник тој ќе биде на 106. позиција и доаѓа на чекор до пласман во топ-100 тенисери во светот.