Медведев елиминиран од турнирот во Монте Карло!

Рускиот тенисер, Данил Медведев доживеа шокантен пораз во осминафиналето на Мастерсот во Монте Карло.

Четвртиот тенисер во светот загуби од сонародникот Карен Хачанов во два сета 6:3, 7:5.

Мечот беше отворен со четири брејка, а вкупно петти, а третиот во првиот сет го доби Хачанов, поведувајќи со 5:3 по најдолгата гем на мечот. После тоа без проблем го потврди брејкот и со свој сервис стигна до првиот сет.

Вториот сет изгледаше значително поинаку, бидејќи тенисерите беа доста сигурни во сервис гемовите до крајот на сетот.

Медведев прво мораше да спаси брејк топка во деветтиот гем, а во следниот гем сам можеше да му го одземе сервисот на противникот. При резултат 5:4 Хачанов спаси брејк и сет-поен, а во следниот меч упати удар од кој Данил не можеше да се соземе.

Теоретски, елиминацијата на Медведев значи дека Јаник Синер треба да има полесна работа во полуфиналето, додека Новак Ѓоковиќ е во втората половина од ждрепката.