Рој Кин бесен по поразот на Јунајтед: Не можам да ги разберам овие момци – се откажувам!

Легендарниот капитен на Манчестер Јунајтед, Рој Кин денес го коментираше дербито на Манчестер кое заврши со победа на „граѓаните“.

Манчестер Сити ја заврши работата само за едно полувреме и после првите 45 минути имаше предност од 0:2. На крајот тој резултат се покажа и како конечен. Сити доминираше во првиот дел и создаде повеќе прилики, додека Јунајтед скоро и да немаше 100% прилика во текот на целиот натпревар.

Рој Кин беше посебно лут на играта во одбраната и го истакна вториот гол кој го примија „ѓаволите“ кога Шо и Де Геа беа само „гледачи“.

„Погледнете ги Шо и Де Геа?! Со години сум лут на овие момци. Се откажувам! Ова се репрезентивци на своите држави. Не можам да разберам како се бранат“, изјави Кин.