Роналдо започна нова кариера, стана јутјубер🎥

Легендата на светскиот фудбал, Кристиано Роналдо започнува нова кариера и во иднина ќе го гледаме и како јутјубер.

Роналдо е најпопуларниот фудбалер на социјалните мрежи, а сега одлучи да отвори и свој јутјуб канал каде што веднаш објави неколку видеа и најавува свој подкаст.

„Чекањето заврши. Мојот јутјуб канал конечно е тука. Придружете ми се на новиот пат“, порача Роналдо.

Во еден од клиповите тој ги дава своите преференции помеѓу НБА и НХЛ, УФЦ и боксот, како и меѓу Мото ГП и Формула 1. Има мислења и за големите тениски имиња – Ѓоковиќ или Надал, а во кошарката – Мајкл Џордан или Стеф Кари.