Рома и Фиорентина го сакаат Сари

Рома и Фиорентина се заинтересирани за услугите на тренерот Маурицио Сари, пренесуваат италијанските медиуми.

Според „Газета дело Спорт“, сепак, има два проблеми за овие клубови на патот до потписот на Маурицио Сари.

Сари беше отпуштен од Јувентус во текот на летото, но има договор со „бјанконерите“ на уште две години. Еден од неговите најблиски пријатели посочил дека лесно може да се ослободи од договорот.

Првиот проблем е платата на тренерот, бидејќи тој од договорот со Јувентус добива 5,5 милиони евра годишно, сума што тешко ќе ја платат Рома и Фиорентина.

Другата е дека самиот Сари не сака да презема клуб откако ќе започне сезоната. Пред извесно време тој откри дека никогаш повеќе нема да прифати таква опција.