Реграги: Ова е најлош натпревар кој може да се игра

Селекторот на Мароко, Валиг Реграги изјави дека неговите игарчи треба да дадат се од себе за да ја освојат бронзата на Мундијалот.

Мароко утре ќе ги одмори силите со Хрватска во натпревар за трето место, а Реграги го нарече овој меч најлош кој може да се игра.

„Сметам дека ова е најлош натпревар кој може да се игра, но сепак сме возбудени и покрај разочарувањето. Очигледно дека сакавме да бидеме во големото финале, но треба да дадеме се од себе за да го освоиме третото место. Изморени сме психички и физички, но мора да собереме сили. Хрватска исто така го сака третото место и утрешниот меч ќе биде многу различен од првиот кој го игравме во групата“, изјави селекторот.