Реал Мадрид заинтресиран за Далот

Реал Мадрид покажува силен интерес за дефанзивецот на Манчестер Јунајтед и португалски репрезентативец, Диого Далот.

Реал на лето сака да доведе десен бек како алтернатива за Карвахал, а прв избор е токму Далот, кој подеднакво добро може да игра и како лев бек.

Далот оваа сезона е стандарден кај Тен Хаг и игра одлично, па Манчестер Јунајтед сака да му го продолжи договорот.

Реал ја следи ситуацијата и веќе стапил во контакт со неговиот агент, па сака да го доведе на лето на „Сантиаго Бернабеу“.

Весникот „АС“ пренесува дека „кралевите“ спремаат понуда од 40 милиони евра и веруваат дека тоа ќе ги задоволи апетитите на „црвените ѓаволи“.