Реал загрижен поради „хајката“ против нив – ќе разговара со УЕФА

Мадридските медиуми пренесуваат дека Раел Мадрид е загрижен поради „хајката“ која настана после досудениот пенал против Јувентус.

После пеналот досуден во последните секунди се направи цела „хајка“ против Реал во европските, но и каталонските медиуми, па „кралевите“ сметаат дека тоа може да влијае на УЕФА

„Марка“ наведува дека стравот на „кралевите“ додатно се зголемува поради фактот што против Баерн минатата сезона исто така имаше големи примедби на судењето и Германците обвинија дека биле сериозно оштетени.

Поради сето тоа судијата на дуелот Реал – Баерн би можел да биде под притисок, бидејќи е создадена таква атмосфера во цела Европа.

Поради тоа претставниците на Реал Мадрид ќе разговараат со УЕФА и ќе бараат за овој двомеч да биде избран искусен судија кој нема да подлегне на притисокот.