Пристигна неверојатна понуда за Ракитиќ – Барса спремна да каже ДА

Веќе три дена каталонски „Спорт“ пренесува дека ПСЖ е сериозно заинтересиран за Иван Ракитиќ, а сега тврди дека „светците“ испратиле официјална понуда.

Имено, на адреса на Барселона пристигнала понуда „тешка“ 90 милони евра за хрватскиот репрезентативец.

Ракитиќ во Барселона заработува осум милиони евра по сезона, а ПСЖ наводно му нуди двојно повеќе. Поради тоа многу е веројатно дека тој, но и Барса нема да одбијат ваква понуда со оглед на фактот што Хрватот веќе има 30 години.

Ова е последна шанса за Ракитиќ да добие вака богат договор од еден европски клуб, додека за Барселона сумата од 90 милиони евра е прифатлива.

Откупната клаузула на хрватскиот фудбалер изнесува 125 милиони евра, а ПСЖ наводно нема намера да оди до таа сума, што би можело да биде проблем за „светците“ доколку Барса ја одбие понудата од 90 милиони евра.

Каталонците би можеле да имаат проблем да пронајдат замена, бидејќи трансфер пазарот се затвара за седим дена. Меѓутоа, ПСЖ е спремен да им го понуди Рабио на Каталонците, па двете страни би можеле лесно да постигнат договор за трампа со доплата.