Претседателот на ПСЖ му одговори на Нејмар: Сега во тимот има единство

Бразилската ѕвезда Нејмар неодамна го нападна својот поранешен клуб Пари Сент Жермен.

Нејмар пред неколку седмици се пресели во Саудиска Арабија во дресот на Ал-Хилал, а изјави дека поминал низ пекол во ПСЖ.

Претседателот Ал Келаифи сега индиректно го „пецна“ Бразилецот и истакна дека сега има единство во тимот.

„Во тимот на ПСЖ никогаш немало такво единство, на теренот и надвор од него. Тоа го видовм минатиот викенд со победата кај Лион. Имаме фантастичен тренер во Луис Енрике и спортски директор во Луис Кампос и пресреќен сум од обновениот дух кој владее со клубот“.

„Оваа година, во новиот циклус на ПСЖ, нема да се фокусираме на резултатите, туку на перформансите и стилот на игра. Ако го направиме тоа, резултатите сами ќе дојдат. Некои забораваат дека во последните четири години игравме во едно финале и во едно полуфинале во Лигата на шампиони“, вели Ал-Келаифи.