Ал Келаифи: Не можам да разберам како Супербоул е поголем настан од финале во ЛШ

Насер Ал Келаифи долго време е на чело на ПСЖ во повеќе од 10 години потроши повеќе од милијарда евра, но изостана најголемата цел – титула во Лигата на шампионите.

Во овој момент освен што е претседател на ПСЖ тој е и претседател на Европската клупска асоцијација, позиција на која дојде откако поради активностите во Суперлигата Андреа Ањели мораше да си замине од УЕФА.

Според Калеифи потребни се реформи во најелитното европско натпреварување, затоа што не може да сфати како американскиот Супербоул е поголем настан од финалето во Лигата на шампионите.

„Не можам да сфатам како Супербоул изгледа поголемо од финалето во Лигата на шампионите. Американците и водечките луѓе на американскиот фудбал имаат креативен дух и дух подготвен за забава. Треба да направиме такво нешто и од финалето во Лигата на шампионите“, изјави Келаифи.