Потврдено: ОВА е првото летно засилување на Барселона!

Каталонските медиуми блиски до Барселона потврдија дека клубот од „Камп Ноу“ ќе ја искористи клаузулата во договорот и ќе го врати Жерар Делофеу во своите редови.

Имено, Барселона во договорот со Евертон ставила клаузула според која ќе може да го врати „своето дете“ за 12 милиони евра, а „Мундо Депортиво“ тврди дека Каталонците тоа сигурно ќе го направат.

Делофеу одигра одлична полусезона на позајмица во Милан и заработи повик во шпанската репрезентација, па неговата моментална цена е многу поголема од 12 милиони евра.

Поради тоа Барса со сигурност ќе ја активира клаузулата, а дали ќе го задржи крилниот напаѓач или ќе го продаде на друг клуб за многу поголема сума, останува да видиме.