Потврдено: Интер преговара со Чилеанец!

Интер има одличен старт на сезоната, меѓутоа сега пораснаа амбициите на раководството, па во јануар „нероаѕурите“ додатно ќе го засилат тимот.

Една од главните цели на Интер во зимскиот преоден рок ќе биде засилување на одбраната, односно доведување на дефанзивец кој ќе може да биде алтернатива за Скриниар и Миранда.

Главна трансфер мета е чилеанскиот репрезентативец, Пауло Дијаз. Овој 23-годишен дефанзивец настапува за аргентински Сан Лоренцо, а по потреба може да игра и како десен бек.

Интересот на Интер го потврди и неговиот агент, Шалимар Рејнал.

„Интер веќе ги превзеде првите чекори, а знам дека Сан Лоренцо е спремен да го пушти. Во неговиот договор постои и клаузула по која може да замине. Според мене Дијаз може да стане член на Интер уште во јануари“, изјави агентот.