Постигнат договор: Уште еден важен потпис во Баерн Минхен

Во периодот додека фудбалот е стопиран раководството на Баерн Минхен заврши уште една важна работа.

Имено, Баварците постигнале договор со Тиаго Алкантара за продолжување на соработката, пренесува „Билд“.

Двете страни веќе подолго време водеа преговори за продолжување на соработката и сега конечно постигнаа договор кој треба да биде официјализиран следната недела.

Алкантара имаше договор само за уште една година, па неговата иднина на „Алијанц Арена“ беше под знак прашалник.

Неодамна Баерн потпиша нови договори со Томас Милер и Дејвис, па сега остануваат отворени прашањата само за Мануел Ноер и Алаба, чии договори истекуваат во 2021 година.