Поранешниот помошник на Анчелоти прва мета на „карамелите“?

Кој ќе го наследи Роналд Куман на клупата на Евертон?

Откако ова попладне „карамелите“ го отпуштија Роналд Куман, започнаа шпекулации за тоа кој би можел да биде негов наследник.

Како што пренесуваат англиските медиуми во овој момент прва мета на Евертон е Пол Клемент кој забележува солидни резултати со тимот на Свонси.

Во Евертон наводно се убедени дека човекот кој своевремено му беше помошник на Карло Анечлоти би можел да биде вистинскиот избор, иако до неодамна со клупата на Евертон се поврзуваше и нивниот поранешен тренер Дејвид Мојс.

Покрај Мојс на „Гудисон“ се споменуваше и името на менаџерот на Барнли Шон Дајс, па така можеме да очекуваме дека овој отказ на Куман би можел да предизвика домино ефект во Премиер лигата.