Полски репрезентативец потпиша за руски клуб, па беше исфрлен од репрезентацијата

Полската фудбалска федерација го исклучи од репрезентацијата дефанзивецот Мачеј Рибус бидејќи потпишал за руски тим, Спартак Москва.

32-годишниот Рибус изминатите пет години го носеше дресот на Локомотив Москва, а денес потпиша договор со Спартак.

„Селекторот на репрезентацијата Ческав Михњевич разговарал со Рибус и го информирал дека поради актуелната клупска ситуациуа, нема да биде повикан на собирот на репрезентацијата во септември како и дека нема да биде во комбинација за настап на Светското првенство во Катар“, соопшти фудбалската федерација на Полска.

Бидејќи Полска е еден од најголемите критичари на руската инвазија на Украина, јавноста како и Фудбалскиот сојуз сметаат дека е недозволив овој потег на полскиот репрезентативец