Пола Европа ја посакува данската сензација

Точно на полноќ на 1. јули започна летниот преоден рок во Италија, Германија и Шпанија, а во тие земји ќе заврши на 2. септември.

Во Франција и Англија преодниот рок започна на 9. јуни и ќе трае до 31. август, а во петте најсилни лиги ова лето најмногу ќе следиме кој кого ќе продаде или купи.

Најновата трансфер шпекулација која ова утро ја пренесе Сан е веста дека Дамсгард, ѕвездата на данската репрезентација кое со своите игри воодушеви на Европското првенство е мета на најголемите европски клубови.

За 21-годишниот крилен напаѓач на Сампдорија се заинтересирани Ливерпул, Тотенхем, Барселона и Јувентус.

Според Сан, Ливерпул покажува најголем интерес, а Сампдорија за својот играч бара помеѓу 30 и 40 милиони евра.