Познати се имињата на тројцата фудбалери кои ќе го напуштат Милан

Милан следната сезона ќе влезе без тројца фудбалери.

Клубот од „Сан Сиро“ ќе го напуштат Рикардо Монтоливо, Андреа Бертолачи и Хозе Маури, а сите тројца ќе си заминат без никаков надомест. Росонерите одлучиле да не понудат продолжување на договорот на никој од споменатите фудбалери. Нивното време во клубот е завршено и ќе бараат нова средина.

Оваа сезона ниту еден од нив не е клучен играч за Милан. Монтоливо не запиша ниту еден настап, додека останатите двајца одиграа вкупно 10 натпревари. Меѓутоа, никој немаше значителен ефект. Затоа и не е чудно што не се во плановите на клубот, па среќата ќе ја бараат на некое друго место.

Монтоливо во кариерата одигра 158 натпревари за Милан, Бертолачи 54, а Маури настапи во само 20 натпревари. Росонерите и без нив играат добро. До крајот на сезоната ќе се борат за пласман во најелитното европско натпреварување, нешто кое е од огромна важност за клубот од Милано.