Повторно заедно со Гвардиола: Дани Алвеш се сели во Манчестер Сити

Дани Алвеш трансферот во Манчестер Сити ќе го комплетира следната недела. Бразилецот ќе премине во англискиот тим и ќе потпише договор на две години.

Откако мина една сезона во Јувентус, Алвеш одлучи да ја промени средината и да и се придружи на екипата од „Етихад“.

Алвеш мина четири години со Гвардиола додека ја предводеше Барселона. Во тој успешен период ветеранот освои три титули во Ла Лига и две во Лигата на шампионите.

Манчестер Сити веќе донесе две засилувања, а се работи за Бернардо Силва и голманот Едерсон.