ПМФЛ: Шкендија со шест погодоци до победа, Вардар направи пресврт, „пандевци“ лидери

Денес во рамките од петото коло во македонската прва лига се одиграа пет натпревари.

Актуелниот шампион Шкендија одигра натпревар со дури осум погодоци и славеа против Работнички со убедливи 6:2, тетовци заедно со Вардар се единствената непоразена екипа во новата сезона.

Вардар кој како што споменацме се уште е без пораз има еднаков учинок како и Шкендија од три победи и две нерешени средби.

Денес црвено-црните со пресврт во натпреварот против Шкупи стигнаа до победа од 2:1.
Академија Пандев која игра одлично на стартот од сезона и бележи учинок од четири победи и еден пораз денес славеше победа против тимот на Силекс од 3:0.

Македонија Ѓорче Петров и Беласица одиграа реми без голови 0:0, додека Победа со 1:0 беше подобра од Ренова.

После пет одиграни кола лидер во првенството е тимот на Академија Пандев со 12 освоени бодови, потоа следуваат Шкендија и Вардар со по 11.