Плановите на француските ѕвездите на Сити и Јунајтед нема да им се допаднат на навивачите од овие екипи

Утре на распоредот е големото манчестерско дерби во кое лидерот на табелата во Премиер лигата ќе го пречека Јунајтед.

Натпреварот на „Етихад“ е закажан за 17 часот и до 19 часот истито ден фудбалерите на Сити и Јунајтед ќе бидат големи ривали, но по судискиот свиреж ѕвездите на овие два клуба, барем оние француските, повторно ќе бидат големи пријатели.

Имено, ЕСПН соопшти дека Французите на овие две екипи веќе закажале забава во Париз, во недела навечер, без огелд на исхото од манчестерското дерби.

Така да играчите на Јунајтед, Погба и Марсијал и играчот на Сити, Бенџамин Менди веднаш по натпреварот со приватен авион ќе отпатуваат за Париз каде што ќе го прослават роденденот на непознат пријател.

Познато е дека Менди и Погба се пријатели од рана младост, а тие двајца заедно со уште неколку играчи на Јунајтед и Сити, како Бејли, Фелаини и Марез често може да се видат заедно во локалите во Манчестер.

Сепак, јасно е дека навивачите на Сити и Јунајтед ќе имаат малку повеќе ривалство меѓу играчите од двата клуба, барем пред и веднаш по дербито.