Плановите на Клоп: Две имиња од Барселона се голема желба на Германецот

Jирген Клоп од јануари ќе се врати на фудбалот и тоа како „шеф на фудбалските операции“ во Ред Бул, а медиумите веќе пишуваат за плановите на германскиот стратег.

Претходно се пишуваше дека за Лајпциг кој е најголемиот проект на компанијата би можел да се обиде да го доведе Арда Ѓулер кој е фудбалер со голем потенцијал, но не добива минјутажа каква што посакува во Реал Мадрид.

Сега се пишува и дека Клоп пикирал две имиња од школата на Барселона. Станува збор за Алеш Гаридо и Ноа Дарвих.

Новинарот Себастијан Видал пренесува дека во својот бележник Клоп има и други фудбалери, меѓутоа се издвојуваат споменатите двајца. Алеш Гаридо е фудбалер кој има 20 години, додека Дарвих е две години помлад.

Овие двајца веројатно би биле опција за Лајпциг или Салзбург.