Перез: Мбапе? Ги имаме Винисиус и Родриго, тие ќе освојуваат „Златни топки“ во иднина

Иако Килијан Мбапе го продолжи договорот со ПСЖ, неодамна се појавија информации дека младиот напаѓач сака да си замине.

Мбапе истакна во јавноста дека е среќен во Париз и дека не сака да замине, но гласините сигурно нема тука да запрат после се што се пишуваше.

Поради тоа новинарите кои присуствуваа на доделувањето на „Златната топка“ го искористија тој момент да го прашаат Флорентино Перез.

„Мбапе? Можам да кажам дека ми е досадно од тоа што се пишува и веќе не ни читам. Ние имаме голема иднина пред нас. Тука се Винисиус и Родриго кои се вистински ѕвезди. Мислам дека во иднина тие ќе бидат добитници на „Златни топки““, изјави Перез.