Пепе Реина се враќа во Англија

Искусниот шпански голман Пепе Реина би можел да се врати во Англија по седум години.

Според „Телеграф“, тимот на Астон Вила започнал преговори со екипата на Милан околу трансферот на 37-годишниот голман и тој би можел да го носи дресот на тимот на Бирмингем до крајот на сезоната.

Вила неодамна остана без два важни играчи во екипата. Еден од нив е голманот Том Хитон, кој ја заврши сезоната поради повреда на коленото, а другиот е напаѓачот Весли.

Потрагата по голман и нов напаѓач се уште трае, а се чини дека и двете ќе бидат успешно завршени.

Реина е прв избор за нов голман на Вила. Менаџерот Дин Смит сака некој со долгогодишно искуство во Премиер лигата, а Реина сигурно го има тоа со оглед на тоа дека го носеше дресот на Ливерпул од 2005 до 2013 година.